ການຂຽນເເບບສາກົນ ທີ່ໃຊ້
ຫນັງສື ລາຕິນ ຂຽນນັ້ນ ອາຈານ ລໍາວຽງ ອິນທະຫມອນ ໄດ້ວາງເເບບ ຂອງ ເພິ່ນ ປະໄວ້
ຢູ່ໃນປຶ້ມ "ຂ້ອຍອ່ານ ຂ້ອຍຂຽນພາສາລາວ" (ISBN 2-84279-131-2) ເເຕ່ວ່າ
ເເບບສາກົນ ດັ່ງກ່າວນີ້ ກໍມີສອງວິທີ ຄື ສ່ຽງຝຣັ່ງໂກ (francophone) ເເລະ
ສ່ຽງອັງໂກ
(anglophone) ເເລະ ສຽງ ທີ່ ອາຈານ ລໍາວຽງ ໃຊ້ຂຽນ ໃນປຶ້ມຂອງເພິ່ນ ເເມ່ນ ສຽງ
ທີ່ໃກ້ຖັດກັບ ສ່ຽງຝຣັ່ງໂກ
ທ່ານ Tatsuo Hoshino
ເເລະທ່ານ Russell Marcus ໄດ້ວາງເເບບການຂຽນຫນັງສືລາວ ດ້ວຍ ຫນັງສື ລາຕິນ
ໄປເເບບໃຫມ່ອີກ ເເບບຂອງທ່ານທັງສອງນີ້ ກໍເປັນຫນ້າສົນໃຈເຫມືອນກັນ ສ່ວນມາກ
ເເມ່ນ ວິທີ ທີ່ທ່ານສະກົດ ສຽງສັ້ນ ດ້ວຍ ອັກສອນ "ː" ຊຶ່ງ ອັກສອນ ຕົວນີ້
ເພິ່ນໃຊ້ ສໍາລັບ ສະກົດ ພຍາງ ສຽງຍາວ ຫລື ເພື່ອ ບອກວ່າ ພຍາງ ດັ່ງກ່າວ ມີ
ສຽງຍາວ ຖ້າ ອີງຕາມ ອັກສອນ ສັງໂຍກ ສາກົນ (API / IPA)
ອັກສອນສັງໂຍກສາກົນ ສ່ຽງຝຣັ່ງໂກ ກັບ ສ່ຽງອັງໂກ ມີ ຄວາມເເຕກຕ່າງກັນ ພຽງ
ເລັກນ້ອຍ
ຫມາຍເຫດ
ຄໍາສັງຂຍາໃນພາສາລາວ ເພິ່ນໃຊ້ ພຍັນຊນະກຸ່ມໃດເເນ່ ?
- ສູນ ຂຽນດ້ວຍ
ອັກສອນສູງຕົວ
ສ
- ນຶ່ງ ຂຽນດ້ວຍ
ອັກສອນຕໍ່າຕົວ
ນ
- ຫນຶ່ງ ຂຽນດ້ວຍ ອັກສອນປະສົມ ຫນ ຊຶ່ງມີ
ສຽງສູງ
- ສອງ ສາມ ສີ່ ຫ້າ ຫົກ ຊຶ່ງອັກສອນ ສ ເເລະ ຫ ຈໍາກັດຢູ່ໃນຈໍາພວກ
ອັກສອນສູງ
- ເຈັດ ເເປດ ເກົ້າ ຊຶ່ງຕົວ ຈ ປ ກ ບັນຈຸຢູ່ໃນຈໍາພວກ
ອັກສອນກາງ
ພຍັນຊນະທີ່ໃຊ້ຂຽນຄໍາສັງຂຍາເຫລົ່ານີ້
ມີ ອັກສອນຕໍ່າພຽງຕົວດຽວ ຄື ຕົວ ນ ນອກຈາກນັ້ນ ອັກສອນ ທີ່ ເພິ່ນ ໃຊ້ຂຽນ
ຄໍາສັງຂຍາ ມາຈາກຈໍາພວກ ອັກສອນສູງ ເເລະ ອັກສອນກາງ ທັງນັ້ນ ດັ່ງນັ້ນ ການຂຽນ
ນຶ່ງ ຫລື ຫນຶ່ງ ເຮົາຄວນຈະໃຊ້ຕົວ ນ ຫລືຕົວ ຫນ ກໍຂໍໃຫ້ທ່ານຄິດເອົາເອງ
ເພາະວ່າ ກົດເກນ ການໃຊ້ ຄໍານີ້ ເພິ່ນ ບໍ່ໄດ້ກໍານົດໄວ້ ເເຕ່ຢ່າງໃດ ເເລະ ທາງ
ດ້ານໄວຍາກອນ ຄົນລາວ ຍັງບໍ່ທັນໄດ້ຖົກຖຽງກັນ ກ່ຽວກັບ ການໃຊ້ ພຍັນຊນະ ສາມ
ຈໍາພວກນີ້ ສ່ວນມາກ ເເມ່ນ ການໃຊ້ ອັກສອນຕໍ່າ ເພື່ອ ຂຽນ ຄໍາສັບ ທີ່ ມີ ສຽງ
ດຽວກັນກັບ ສຽງ ຂອງ ຄໍາສັບ ທີ່ ຂຽນດ້ວຍ ອັກສອນ ຈໍາພວກ ອື່ນ
ສໍາລັບ ຂ້າພະເຈົ້າເເລ້ວ
ຂ້າພະເຈົ້າໃຊ້ຕົວ ນ ຂຽນຄໍາສັງຂຍາ ນຶ່ງ ຍ້ອນວ່າ ຕົວ ນ ເປັນພຍັນຊນະປ່ຽວ ເເລະ
ຂ້າພະເຈົ້າ ຈະຂຽນໄດ້ໄວກວ່າ ການໃຊ້ ພຍັນຊນະປະສົມ ຫນ ເພາະວ່າ ຕົວລ້າຫລັງນີ້
ມີ ສອງຕົວ