ຂ້າພະເຈົ້າ ຄົ້ນຫາ ຄໍາເເປ ເເລະ ຄໍາ ທຽບເທົ່າ ກັບ ຄໍາຝຣັ່ງ Informatique [ເເອັງຟອກມະຕິກເກິ] ຊຶ່ງ ຊາວອັງກິດ ໄດ້ນໍາເອົາ ໄປ ໃຊ້ ເປັນ Informatics ກໍ ບໍ່ ເຈິ ກັບ ຄວາມພໍໃຈ ໄດ້ເລີຍ ຊາວອິນເດັຽ ເເລະ ຊາວໄທຍ ກໍ ໃຊ້ ຄົນລະຢ່າງ ເເຕກຕ່າງກັນ ໄປ ຫມົດ ອັນ ທີ່ ບໍ່ ກົງກັບ ຄວາມຫມາຍ ຂອງ ຄໍາຝຣັ່ງ ໄດ້ດີ ສ່ວນ ຊາວອະເມຣິກາ ນັ້ນ ຍັງບໍ່ທັນ ຮັບເອົາ ຄໍານີ້ ໄປໃຊ້ເທື່ອ

 Informatique ມາຈາກ ຄໍາ Information ອັນ ເເປ ຕາມໂຕ ວ່າ ສື່ ເເລະ ປະກອບ ດ້ວຍ (-ique) ທີ່ ຫມາຍເຖິງ ອັນ /ຂອງ\ ກາຍເປັນ ທີ່ເປັນ ເເຫ່ງ ເຊັ່ນ historique ເເຫ່ງ histoire ເເລະ Mécanique ເເຫ່ງ mécanique ດັ່ງນີ້ ເປັນຕົ້ນ ສື່ມະຕິກ ກໍ ມາຈາກ ຄໍາ ສື່ ເເລະ ຄໍາ ມະຕິກ ຂອງ ຝຣັ່ງ ນີ້ເອງ ສົມມຸດວ່າ ເຮົາ ຮັບເອົາ ຄໍາ ສື່ມະຕິກ ມາໃຊ້ ໃນ ຄໍາລາວ ຄໍາໄທຍ ເຮົາ ກໍ ສາມາດ ຮ້ອງ ນັກຊ່ຽວຊານ ທາງ ດ້ານນີ້ ໄດ້ວ່າ ນັກສື່ມະຕິກ ຫລື ຈະ ເວົ້າ ງ່າຍໆ ໄດ້ອີກວ່າ ສື່ມະຕິກອນ / ສື່ມະຕິກາຣະນີ(?) ເເຕ່ວ່າ ຄໍາ ນີ້ ບໍ່ ເເມ່ນ ຄໍາ ທີ່ ເພິ່ນ ຮັບ ເປັນ ທາງການ ເເລະ ກະຊວງ ທີ່ ມີ ຫນ້າທີ່ ອັນນີ້ ກໍ ບໍ່ ມີ ຢູ່ໃນ ລາວ ຖ້າ ຈະ ນັ່ງ ຄອຍຖ້າ ໃຫ້ ມີ ກະຊວງ ກ່ອນ ຈິ່ງ ຄ່ອຍ ພາກັນ ເຮັດ ຂ້າພະເຈົ້າ ຄົງ ຕາຍ ກ່ອນ ຈິ່ງ ໄດ້ ເເຕ່ງ ຄໍາ ນີ້ ຂຶ້ນ ປະໄວ້ ເເລະ ບໍ່ ໄດ້ ຄິດ ດອກວ່າ ຈະ ໃຫ້ ຜູ່ໃດຖືເອົາ ຄໍາ ນີ້ ເປັນ ຫລັກ ຂ້າພະເຈົ້າ ໃຊ້ໄປ ເພື່ອ ຄວາມສະດວກ ໃນ ການກໍານົດ ຄວາມຄິດ ເພາະວ່າ ຄໍາ ນີ້ ມີ ຄວາມຫມາຍ ຈໍາເພາະ ເຈາະຈົງ ເອົາເເຕ່ ດ້ານ ສື່ສານ ເທົ່ານັ້ນ ຂໍ ໃຫ້ ເຂົ້າໃຈ ໄປ ໃນ ທໍານອງ ນີ້ ເເລະ ກໍ ບໍ່ ໄດ້ ຖືຕົນ ເປັນ ສາສດາຈານ ເເນວໃດ ເປັນ ພຽງເເຕ່ ການເເລກປ່ຽນ ການເເບ່ງປັນ ຣະຫວ່າງ ຜູ່ຢາກເຮັດຢາກທໍາ ເພື່ອ ໃຫ້ເກີດ ມີ ຄວາມຄິດ ອັນໃດ ກໍດີ ດ້ວຍ ຈຸດປະສົງ ຢາກ ປັບປຸງ ພາສາ ໄທລາວ ໂດຍທົ່ວໄປ ໃຫ້ ຮັ່ງມີ ດີຂຶ້ນໄດ້ ຈິ່ງ ໄດ້ ນັ່ງ ເສັຽ ເວລາ ເຮັດ

 ວັດຖຸ ເຄື່ອງ ອີເລັກໂທຣນິກ ຕ່າງໆ ດັ່ງ ຄອມພິວເຕີ ເປັນຕົ້ນ ບໍ່ ໄດ້ ກໍານົດ ເຂົ້າ ຢູ່ໃນ ຈໍາພວກ ນີ້ ສື່ມະຕິກ ເເມ່ນ ວິທີການ ການເຮັດ ກັບ ສື່ ຫລື ກິຈສື່ ຫມາຍຄວາມວ່າ ເຮັດໃຫ້ ກິຈການ ຕ່າງໆ ຂອງ ສື່ ເດີນໄປໄດ້ ຢາງສະບາຍ ເເບບ ອັຕໂນມັດ - K. Phouphetlinthong

ເມື່ອວັນທີ ໒໐-໐໕-໒໐໐໘ ເດືອນ ພຶສພາ ພ.ສ. ໒໕໕໑ ເເຫ່ງເມືອງ ປາຣີສ ທີ່ປະເທດ ຝຣັ່ງ ໂດຍ ຄໍາເເພວ ພູເພັຊຣ໌ລິນທອງ

• ເມື່ອວັນທີ ໑໘-໐໖-໒໐໐໘ ເດືອນ ມິຖຸນາ ພ.ສ. ໒໕໕໑ ເເຫ່ງເມືອງ ປາຣີສ໌ ໂດຍ ຄໍາເເພວ ພູເພັຊຣ໌ລິນທອງ

ທ່ານ ນິໂກລາ ຊາກໂກຊີ ຊຶ່ງ ເປັນ ປະທານ ປະເທດ ຂອງ ຣັຖບານຝຣັ່ງ ໄດ້ປະກາດ ສົງຄາມ ສື່ ຢ່າງ ເປັນທາງການ ມື້ວານນີ້ ຕອນທີ່ ເພິ່ນໄດ້ ສເນີ ປຶ້ມຂາວ ວ່າດ້ວຍ ການປ້ອງກັນ ປະເທດ ເພື່ອ ໃຫ້ກໍາລັງທະຫານ ກອງທັບ ເເຫ່ງຊາດ ທັງສາມ ກອງທັບ ມີ ຫົນທາງ ຕໍ່ສູ້ ກັບ ສັດຕຣູ ຕ່າງໆ ທີ່ເຂົ້າມາ ເເຊກເເຊງ ເຊັ່ນ ຕາສກອນ [terroriste] ຫັກເກີ [hacker] ຣັຖບານ ຂອງ ປະເທດຕ່າງໆ ທັງນີ້ ກໍເພື່ອ ຕໍ່ຕ້ານ ການສືບສອດເເນມ ຈາກກຸ່ມ ດັ່ງກ່າວນີ້ ເພື່ອ ປ້ອງກັນ ສື່ສານຕ່າງໆ ເເລະ ກີຈການ ຂອງ ສື່ ບໍ່ໃຫ້ຖືກທໍາລາຍ ເເລະ ໃຫ້ກອງທັບ ດັ່ງກ່າວນີ້ ສາມາດ ໂຈມຕີ ຄູ່ຕໍ່ສູ້ ດ້ວຍ ຍຸທວິທີ ສື່ມະຕິກ ໃນ ການປ້ອງກັນ ຜົນປໂຍດ ຂອງ ຊາດ ຊຶ່ງ ສ່ວນມາກເເລ້ວ ເເມ່ນ ດ້ານ ທະຫານ ເເລະ ດ້ານ ເສຖກິດ ເປັນຕົ້ນ ທ່ານ ໄດ້ຢໍ້າຕື່ມອີກວ່າ ໃຫ້ຖືການນາບຂູ່ ທາງດ້ານ ສື່ມະຕິກ ນີ້ ໃນ ທໍານອງດຽວກັນ ກັບ ການນາບຂູ່ ທາງ ດ້ານ ນິວເຄລັຽ[nucléaire] ເເລະ ດ້ານ ຢາພິດ ຕ່າງໆ (menaces biologiques) ນີ້ ຄື ເປົ້າຫມາຍ ອັນດ່ວນ ຂອງ ຣັຖບານ ຝຣັ່ງ ດ້ວຍເຫດນີ້ ຣັຖບານຝຣັ່ງ ຈິ່ງ ໄດ້ຕັ້ງ ກັມມາທິການ ອັນນຶ່ງ ຂຶ້ນ ເພື່ອ ກໍາກັບ ຫນ້າທິ່ ອັນນີ້ ໂດຍສະເພາະ ກິຈການ ຂອງ ສື່ ເເລະ ທຸກສິ່ງ ທີ່ ຂຶ້ນກັບ ສື່ມະຕິກ ຖ້າ ທ່ານ ຜູ່ໃດ ສົນໃຈຕື່ມອີກ ໃຫ້ໄປອ່ານຢູ່ທີ່ນີ້ securite-informatique.gouv.fr